గుంటూరు జిల్లా అమరావతికి చెందిన మల్లాది వంశంలో దక్షిణామూర్తి శాస్త్రిగా జన్మించిన వీరు, పండిత వంశ సంప్రదాయంలో పెరిగి, కంచి పరమాచార్యుల వారి కడ సన్న్యాసాశ్రమం స్వీకరించి బ్రహ్మానందతీర్థ యతి నామంతో ప్రసిద్ధి చెందారు.

విజయవాడ శ్రీ కనకదుర్గా క్షేత్రం కేంద్రంగా, శాస్త్ర సమ్మతమైన ఒక భవ్యమైన కల్పాన్ని సృష్టించి, ఆంధ్రప్రదేశ్‌లో అనేక తీర్థక్షేత్రాలలో, గృహస్థుల ఇండ్లలో 150కి పైగా అహోరాత్ర జపయజ్ఞాలు, 12 సప్తాహోరాత్ర జపయజ్ఞాలు నిర్వహించారు.

శ్రీ శంకర భగవత్పాదాచార్యుల విష్ణు సహస్రనామ భాష్యానికి తెలుగులో సులభగ్రాహ్యమైన వ్యాఖ్యానం అందించి, మూడు పర్యాయాలు ముద్రించి, నిత్యపారాయణ ప్రతిజ్ఞ చేసినవారికి ఉచితంగా పంచిపెట్టారు. దాదాపు పన్నెండేళ్ళ పాటు ఈ నాగోలు ఉద్యమానికి అండగా నిలిచి, చివరికి శ్రీకాళహస్తిలోని కంచి పీఠం వృద్ధాశ్రమంలో మాఘ శుద్ధ అష్టమి (భీష్మాష్టమి), 1987న బ్రహ్మైక్యం చెందారు.