॥ హరే కృష్ణ ॥
Divine Blessings, Always with You
శ్లో॥ విష్ణోర్నామ సహస్రస్య ప్రచారేణ యశస్తనుమ్|
నమామ స్తీర్థదీక్షం తం బ్రహ్మానంద యతీశ్వరమ్||
క్షేత్ర పరిచయం
1999వ సంవత్సరం తొలి ఏకాదశి పర్వదినాన అహోరాత్ర జపయజ్ఞంతో విడివడి, ఆ ఉద్యమం తన అవిచ్ఛిన్నతను కాపాడుకొంటూ అహోరాత్ర జపయజ్ఞాలుగా నిర్వహింపబడుతూ వస్తున్నది. అనతికాలంలో ఎంతో దృఢసంకల్పంతో చేసిన ప్రయత్నం శ్రీ శ్రీ శ్రీ బ్రహ్మానందతీర్థ యతీశ్వరులవారి ఆశీస్సులతో, శ్రీకృష్ణస్వామి కృపతో ఫలించి ఒక దివ్యక్షేత్రం ఆవిర్భావమై, శ్రీ స్వామివారు అప్పటిలో ప్రసాదించిన భవ్యనామం “శ్రీ విష్ణుసహస్రనామ క్షేత్రం” కేంద్రంగా ఆ ఉద్యమం అలరారుతున్నది.
మా క్షేత్రం గురించి తెలుసుకోండిగ్యాలరీ
“జ్ఞాపకాలకు అతీతంగా… దైవసాన్నిధ్యపు క్షణాలు”
నిత్య పూజా విధానం
క్రింద మందిరంలో శ్రీ గోపాలకృష్ణస్వామి వారికి త్రికాల పూజ జరుగుతుంది — మధ్యాహ్నం మహానివేదన, సాయంకాలం ప్రదోషకాల పూజ నిర్వహించబడతాయి.
పై మందిరంలో ఉదయం పంచదేవతలైన శివుడు, విష్ణువు, శక్తి, సూర్యుడు, గణపతిలను ఏకత్వ భావంతో అభిషేకం, అర్చనతో పూజిస్తారు. మధ్యాహ్నిక పూజ, మహానివేదన, సాయంకాలం ప్రదోషకాల పూజ జరుగుతాయి.
భక్తుల గోత్రనామాలతో స్వామివారికి అర్చనలు జరపబడతాయి.
గోమాతకు స్నానం చేయించి, పసుపు-కుంకుమలతో అలంకరించి, పుష్పాలతో అర్చన చేసి, భక్తిశ్రద్ధలతో ప్రదక్షిణ చేసి పూజించడం జరుగుతుంది.
ధర్మశాస్త్రాలలో గోదానం పుణ్యకార్యంగా, దాతకు శుభఫలాలను ప్రసాదించేదిగా పేర్కొనబడింది. క్షేత్రంలో గోదానం జరపబడుతుంది.
పై మందిరంలో ప్రతిరోజూ 12 ఆవృత్తులుగా (12 మార్లు) శ్రీ విష్ణు సహస్రనామ స్తోత్ర పారాయణము జరుగుతుంది.
ఉత్సవాలు
ప్రతి నెలా శుక్ల, బహుళ ఏకాదశి నాడు
ఏకాదశి రోజు ఉ.4.00 గం.లకు శ్రీవిఘ్నేశ్వర పూజ, పుణ్యాహవాచనముతో ప్రారంభమై, ఉ.6.00 గం.ల నుండి 8 యామాలుగా (ప్రతి యామం 3 గంటలు, 12 పారాయణలు) తెంపు లేకుండా ద్వాదశి ఉదయం 6.00 గం.ల వరకు శ్రీ విష్ణు సహస్రనామ స్తోత్ర అహోరాత్ర పారాయణ సాగుతుంది.
ప్రతి సంవత్సరం మాఘ మాసంలో
అహోరాత్ర జపయజ్ఞమువలె యామ విభాగాలతో సాగే ఏడు రోజుల మహా జపయజ్ఞం. పరమేశ్వరునికి లక్ష శివనామ బిల్వార్చన, మహావిష్ణువుకు లక్ష విష్ణునామ తులసి బిల్వార్చన జరిగి, పూర్ణాహుతితో సప్తాహం ముగుస్తుంది.
ప్రతి ఆరు నెలలకోమారు
ప్రతి ఆరు నెలలకోమారు ప్రసిద్ధ పుణ్యక్షేత్రాలలో అక్కడి వసతి సదుపాయాలను బట్టి అహోరాత్రం, త్రయాహ్నికం లేదా సప్తాహోరాత్రం నిర్వహించబడుతాయి.
ప్రతి సంవత్సరం శ్రీ శంకర జయంతికి
ప్రతి సంవత్సరం శ్రీ శంకర జయంతికి అహోరాత్ర / ద్వాదశావృత్తి పారాయణ నిర్వహించబడుతుంది.
ప్రతి సంవత్సరం శ్రీ నృసింహ జయంతికి
ప్రతి సంవత్సరం శ్రీ నృసింహ జయంతికి అహోరాత్ర / ద్వాదశావృత్తి పారాయణ నిర్వహించబడుతుంది.
ప్రతి సంవత్సరం శ్రీకృష్ణ జన్మాష్టమికి
ప్రతి సంవత్సరం శ్రీకృష్ణ జన్మాష్టమికి అహోరాత్ర / ద్వాదశావృత్తి పారాయణ నిర్వహించబడుతుంది.
క్షేత్ర ఆధ్యాత్మిక మరియు సేవా కార్యక్రమాలకు మీ సహకారం ధన, వస్తు రూపేణ అందించండి. చెల్లింపు వివరాలు త్వరలో ఇక్కడ అందుబాటులోకి వస్తాయి.
